Drejtori i Klinikës Infektive, Hamdi Ramadani ka dhënë detajet e vdekjes së një personi nga fruthi dje në QKUK.

Ramadani ka thënë se i ndjeri ishte i pavaksionuar dhe se kishte edhe probleme të tjera shëndetësore, shkruan arbresh.info.

“Dje ka ndodhur një rast në orët e mesditës kur një person që ka qenë duke u trajtuar nga data 27 i muajit të kaluar. Rasti ka qenë në gjendje jashtëzakonisht të rëndë. Ai ka qenë i vendosur që nga data 30 në aparatin për frymëmarrje. Ju e dini se te ky i sëmurë ka qenë edhe një patalogji e rëndë pasi ai ka vuajtur nga tuberkulozi i mushkërive. Këta faktorë kanë bërë që gjendja e këtij të sëmuri, përkundër angazhimit maksimal të personelit, ai ka përfunduar me fatalitet. Ka qenë i sëmurë nga tuberkulozi, nga broniksiti dhe së treti nga fruthi. Edhe ky person nuk ka qenë i vaksionuar”, ka sqaruar Ramadani gjatë një konference për media për të folur rreth epidemisë së përhapur.

Ai ka thënë se në Klinikën Infektive janë duke u trajtuar 68 raste prej të cilave tri janë në gjendje të rëndë./arbresh.info/